Sherimi pas nje ndarje nuk eshte aspak i lehte. Nese te harronit dike qe doni do te ishte e thjeshte, miliona kenge, libra per te ndihmuar veten pas ndarjes, piktura dhe poezi te panumerta nuk do te ekzistonin.
Por ndersa dhimbja e ndarjes eshte universale, per fat te mire, nuk eshte e perjetshme. Por saktesisht sa kohe duhet per te lene pas nje lidhje? Dhe a do te behen gjerat me mire ndonjehere?
Sipas Maria Sullivan, Eksperte e Takimeve e Dating.com, duhet te dini nje gje: Nuk ka nje kohe te caktuar qe do t’ju duhet per te harruar dike dhe “rregulli 21 ditor” – nje teori qe thote se zakonisht do te filloni te ndiheni me mire pas rreth 3 javesh – nuk funksionon per te gjithe.
E dime, kjo nuk eshte nje pergjigje ngushelluese kur jeni duke vuajtur largimin e dikujt qe me te vertete e donit. Por Sullivan dhe disa eksperte te tjere te marredhenieve mund t’ju ndihmojne me disa keshilla per ta kaluar sa me lehte nje periudhe te tille.
E para dhe me e rendesishmja: Mos vendosni nje afat kohor se kur duhet ta keni kaluar ndarjen
“Fatkeqesisht, nuk ka asnje ekuacion matematikor per te llogaritur nje afat te caktuar kohor per t’u rikuperuar nga thyerja e zemres”, thote Amiira Ruotola, bashkeautore e “It’s Called A Breakup Because It’s Broken”. Cori Dixon-Fyle, themelues dhe psikoterapist ne Thriving Path pajtohet qe nuk duhet t’i beni presion vetes qe te ndihet me mire pas nje kohe te caktuar. “Per te ecur perpara, duhet t’i jepni vetes leje per t’u pikelluar.”
Jepini nje pushim vetes nese jeni ende i dashuruar
Nese jeni dashuruar me dike qe ju ka tradhtuar ose jeni te merzitur sepse dikush nuk po u pergjigjet ndjenjave tuaja, mund te pyesni veten pse jeni kaq te merzitur. Ashtu sic nuk ka nje afat te caktuar kohor per t’u rikuperuar nga fundi i nje marredhenieje, kur behet fjale per romancen, nuk ka rregulla per ate qe duhet dhe nuk duhet te ndjeni. “Merrni kohe per te perqafuar ndjenjat tuaja”, thote Sullivan. “Eshte ne rregull te jesh e trishtuar, e inatosur, e zhgenjyer, madje edhe te mendosh gjate per personin. Lereni veten te ndieje emocionet. Nese e beni, do te jete me lehte te levizni perpara dhe te sheroheni.”
Cdo marredhenie eshte e ndryshme, keshtu eshte edhe cdo ndarje
“Gjatesia e kohes qe duhet per ta lene pas dike varet nga sa i integruar ishte partneri juaj ne jeten tuaj dhe cfare e shkaktoi ndarjen”, thote Dixon-Fyle. “Ne varesi te thellesise se marredhenies tuaj, mund te ndjeni sikur jo vetem qe po humbni ish-in, por edhe nje pjese te identitetit tuaj.”
Pse po zgjasin kaq shume per t’u zbehur ndjenjat?
“Nese keni qene se paku per nje vit e lidhur, jepini vetes te pakten nje vit kohe per ta marre veten”, thote Dixon-Fyle. Ajo thote se shumica e njerezve duhet te kalojne neper te gjitha ngjarjet ngacmuese qe mund te ndodhin ne vitin e pare pas ndarjes – nga ditelindjet, pervjetoret dhe festat. “Lejoni veten te qani”, thote ajo. Per fat te mire, ka menyra per te lehtesuar dhimbjen dhe per te ndihmuar procesin.
Per te ecur para, perpiquni te ndaloni romantizimin e marredhenies
“Pjesa me e veshtire per te kapercyer nje marredhenie shpesh nuk eshte humbja e personit, por humbja e fantazise se asaj qe keni menduar se mund te ndodhe”, thote Dr. Juliana Morris, terapiste e marteses dhe marredhenies. Ndersa eshte e natyrshme qe pas nje ndarjeje te jetoni ne enderr, Ruotola paralajmeron, “Mos u fikso me pyetjet ‘pse’ dhe ‘po sikur’.” Ne fakt, gjeja e pare qe ajo i thote kujtdo qe ka nevoje per ndihme per te harruar nje ish, eshte te shmange deshiren per te rishkruar historine tuaj se bashku: “Nese do te ishit kaq mire se bashku, ndoshta do te ishit se bashku!” argumenton ajo.
Pavaresisht nga dhimbja, respektoni ate qe keni pasur
Sa me shume qe te deshironi ta keqtrajtoni ish-in tuaj, kjo nuk do t’ju ndihmoje te ecni perpara. Sipas Morris, kur clirohesh nga dhimbja dhe inati, mund te kalosh ne lumturi. Ajo preferon ta konsideroje nje ndarje si nje marredhenie “te plotesuar”, dhe jo si nje “te deshtuar”. “Nese ishit mjaft te ndjeshem per te ndjere dashuri dhe per te dhene dashuri, atehere nuk ishte nje deshtim,” thote ajo. “Marredhenia ju sherbeu aq sa ju duhej dhe tani eshte koha per te ecuar perpara.”
Kuptoni qe jeta mund te jete edhe me e mire se me pare
Tani qe jeni te lire nga marredhenia dhe personi, gjeni kohe per te rishikuar jeten tuaj. “Nje ndarje eshte nje mundesi e pabesueshme per rishpikje”, thote Ruotolo, i cili sugjeron “te perqendrohesh ne riformimin e jetes tende per te qene personi qe deshiron te jesh”. Regjistrohuni ne nje kurs, ose kaloni kohe me miqte ndersa eksploroni perfitimet e te qenit beqar. Morris thote se: Sapo ta pranoni se kishte pjese te marredhenies qe nuk po funksiononin per ju, kjo do t’ju ndihmoje te ecni perpara. Per te qendruar pozitive, Morris sugjeron te krijoni nje listë te gjerave nga e kaluara juaj se bashku qe do te beje te ndihesh mire qe ka mbaruar.
Nese eshte e mundur, qendroni larg. Virtualisht dhe ne jeten reale …
“Rregulli me i thjeshte, por me i veshtiri per t’u ndjekur eshte te kesh sa me pak kontakte me ish-in tend”, thote ekspertja e marredhenieve Kelli Miller. Sigurisht qe kjo nuk eshte gjithmone e realizueshme nese keni grupe te perbashketa miqsh ose nese keni femije qe ju lidhin. Ne ate rast, injorojeni kete pjese. Por nese eshte e mundur te distancoheni, ajo rekomandon ta bllokoni ish-in nga te gjitha mediat sociale dhe t’u thoni miqve tuaj te mos japin asnje informacion. Ne fakt, ajo sugjeron te beni nje pushim nga mediat sociale krejtesisht.
Por mos u fsheh
Ju mund te ndiheni te vetmuar pa ish-in ne krah, por kjo eshte nje arsye e madhe per te mos qene vetem. “Rrethohuni me njerez qe ju bejne te ndiheni mire dhe qe ju kujtojne se te mrekullueshem jeni”, thote Morris. Edhe nese nuk ju pelqen te dilni, telefononi miqte qe ju bejne te buzeqeshni. “Vetem te degjosh njerez te tjere qe flasin per diten e tyre mund te ndihmoje ne largimin e mendjes nga gjerat”, thote ajo.
Po, do ta harroni ate perfundimisht
A flet mamaja juaj akoma per te dashurin e saj ne kolegj? A eshte ndoshta akoma e dashuruar me te? Me siguri jo. E verteta eshte se cdo marredhenie e ngushte ndikon ne jeten tone. “Marredheniet tona na ndihmojne te zhvillohemi dhe te rritemi”, thote Suzann Pileggi Pawelski, bashkeautore e “Happy Together”, te cilen e shkroi me burrin e saj James Pawelski. “Ne nje kuptim, partneret tane te meparshem jane gjithmone nje pjese e jona.” Pileggi Pawelski shpjegon se ne mesojme nga secila marredhenie dhe jemi ne gjendje te marrim vetem gjerat pozitive qe na ndihmojne te rritemi si njerez. Pra, ndersa mund ta ndjeni zemren te thyer tani, mos harroni, kur te jeni gati, do te dilni nga kjo ndarje edhe me te forte, me te mire, me te lumtur.
