Ngarkesa dhe lodhja e dites, puna stresuese ne zyre apo me femijet, sipas nje studimi te koheve te fundit, mund te çoje ne rritjen e ankthit dhe stresit edhe gjate nates. Studimi eshte fokusuar tek disa te rritur, gjumi i te cileve ka kaluar neper disa nivele ankthi.
Pas testimit, u vu re se ishin disa arsyet qe pjesa me e madhe e njerezve provonin gjendje ankthi gjate nates. Ndihesh ne rrezik apo afer kesaj gjendjeje?
Lajme te keqija per te gjithe gjumashet. Koha e nates, ajo qe duhet te jete me e qete se e gjithe dita, mund te shkoje ne gjendje stresi dhe ankthi.
Ketu jane disa zakone gjumi qe mund te jene duke te shtuar stresin dhe ankthin gjate nates.
Zilja e alarmit:
Jo vetem eshte nje zakon i keq per te nderprere ciklin e gjumit, por eshte edhe nje ves i keq per te dremitur edhe pak pasi zilja bie, shpeshhere vonohesh per t’u ngritur nga shtrati dhe pastaj te nxituarit per te dale eshte tregues stresi. Mundohu te heqesh dore nga zgjimi me alarm ose vendose ate ne kohen e duhur qe t’i japesh mundesi vetes te ngrihesh me qetesi dhe te besh gjithçka gati ne mengjes pa nxitim.
Oraret e ndryshme te gjumit:
Nese bie ne shtrat ne ore te ndryshme ose po ashtu zgjohesh ne ore te ndryshme, mund te jete shkak i nje gjumi te parehatshem dhe me gjendje ankthi. Kjo, sipas eksperteve, shpjegohet me faktin se, nese fle ne ore te ndryshme, nuk e pergatit trupin per te fjetur. Trupi ka nevoje per nje rutine relaksuese qe te pergatitet per gjume. Menyra me e mire eshte te vendosesh nje ore fikse dhe nje kohe rutine te fjetjes dhe te zgjimit, ne menyre qe ta ndihmosh trupin te qetesohet dhe te pergatitet per gjume.
Nuk e konsideron gjumin prioritet:
Disa dite mund te kesh pasur ore te pafundme pune, por nuk eshte aspak e shendetshme te marresh edhe nga oret e nates per te arritur objektivat. Te pakten 7 ore gjume gjate nates jane te domosdoshme. Keshtu, i jep vetes mundesi qe gjate oreve te para te mbremjes te mbarosh çdo lloj detyrimi qe mund te kesh per ta permbushur.
