Të dhenat e Bankes se Shqiperise tregojne se shpenzimet e te huajve per udhetime ne Shqiperi u pergjysmuan, duke zbritur ne 989 milione euro. Ne total, ne vend kane hyre rreth 1.1 miliarde euro me pak, si rrjedhoje e shpenzimeve te munguara te turisteve.
Turizmi ka qene sektori me i goditur ne vitin 2020. Pandemia, qe filloi nga mesi i marsit bllokoi te gjitha udhetimet per nje periudhe disa mujore, por dhe me pas ato mbeten te kufizuara dhe vijojne te jene te tilla.
Te dhenat e tjera te INSTAT tregojne se numri i shtetasve te huaj te hyre ne vend ne 2020- ra me 58.5%, pas viti i meparshem kishte qene me i miri ne historine e turizmit shqiptar. Rezervimet e veres nga agjencite e huaja ne Europe, nga Polonia, Çekia, vendet nordike, Gjermania etj u anuluan.
Turizmi u mbajt ne kembe nga rajoni, kryesisht shtetasit e Kosoves, te cilet shpetuan hotelet nga renia edhe me e thelle e te ardhurave. Ne 2020-n, turistet nga Kosova zune 52% te totalit, nga 34% nje vit me pare.
Bilanci mbetet pozitiv
Bilanci i turizmit ne vitin 2020 ishte pozitiv prej 321 milione euro, por te ardhurat e munguara nga turizmi kane demtuar ndjeshem industrine vendase.
Ulja e numrit te turisteve dhe shpenzimet e munguara te tyre çuan ne krize aktivitetin hotelier shqiptar.
Sipas INSTAT, volumi i aktivitetit te ketij sektori qe vitet e fundit kishte marre hov per shkak te rritjes se numrit te turisteve, ra me 63% gjate periudhes se karantines. Pas nje rikuperimi ne muajt e veres, por qe mbeti sa dy te tretat e vitit 2019, qe ishte me i miri historik per turizmin, shitjet e ketij sektori rane serish me 41% ne muajt e fundit te vitit, pas rikthimit te pjesshem te karantines.
Ndalimi i udhetimeve dhe i aktiviteteve turistike, qe ende po vijon, ka bere qe edhe agjencite e udhetimit te jene me te goditurat ne vend nga pandemia. Ky sektor nuk po arrin te marre veten.
Pas renies se aktivitetit me 86% ne tremujorin e dyte, ne periudhen e karantines, vera vijoi me tkurrje prej 57%, sipas INSTAT. Ndersa ne tremujorin e fundit, renia u pershpejtua serish ne -66.4%, teksa as te huaj nuk erdhen dhe as shqiptaret nuk udhetuan jashte per festat e fundvitit.
Shqiptaret kursyen 915 mln euro
Ndersa te huajt nuk kishin kufizime per te hyre ne Shqiperi qe nga maji, Bashkimi Europian ndaloi udhetimin e shtetasve shqiptare prej mesit te marsit dhe ende nuk lejon levizje per qellime turistike. INSTAT raportoi se numri i shtetasve shqiptare te dale nga vendi ne 2020-n ra me 51%.
Sipas Bankes se Shqiperise, shpenzimet e shqiptareve ne udhetimet jashte rane me 58% ne vitin 2020, duke zbritur ne 667 milione euro.
Ne total jane rreth 915 milione euro “te kursyera”, si rrjedhoje e pamundesise per te levizur.
Njesoj si me shpenzimet e shtetasve te huaj, edhe ato te shqiptareve rane me ritmet me te larta ne tremujorin e dyte dhe te trete.
