Duke shpresuar qe pandemia do te marre fund shume shpejt, nuset e ardhshme mund te vazhdojne te frymezohen nga dasmat e kaluara derisa te vije dita e tyre e madhe.
Nje organizim gjigant nga Class Events, e realizuar nen presionin e kohes, por e permbushur me sukses, duke tejkaluar pritshmerite e te gjitheve.
Nje prej dasmave qe jo vetem te frymezon, por te ben te enderrosh dhe fantazosh edhe per detajet eshte ajo e Xhenit dhe Darios.
Kerkesa e çiftit ishte te beheshin 2 dasma brenda 2 ditesh, ne te njejtin ambient, te perdoreshin te njejtat elemente dekori, por njekohesisht te dukeshin totalisht ndryshe nga njera-tjetra.
Kjo ishte nje sfide me vete per skuadren e Class qe kishte vetem 1 dite kohe per te ndryshuar sallen e lulet, dhe per te gjetur stilin e pershtatshem per ta transformuar. Si perfundim u vendos qe dasma e pare te ishte e gjitha e bardhe, ndersa dasma e dyte nje kopsht me lule.
Elementet e dekorit ishin te njejta, si karriget, tavolinat, sotopjatat, gotat, pecetat, shandanet etj. Skuadra e Class ndryshoi planimetrine, veshjen e mureve, tavanin dhe lulet – nje pune e veshtire per t’u bere brenda 24 oresh, por u realizua me sukses.
Dasma e pare kishte çdo detaj te bardhe, orkide e trendafila te bardhe dhe ndonje prekje e vogel ne ngjyre ari. Muret e ambientit u ndryshuan totalisht, u veshen me panele te bardhe, kolonat me pasqyre, dyshemeja e gjitha e bardhe dhe tavani me panele te bardha, ndersa siper çdo tavoline varej nje instalacion i madh me trendafila dhe orkide.
Tavolinat ishin te bardha me karrige transprente me te bardhe, sotopjatat ishin prej kristali dhe siper kishin nga nje pjate te bardhe me fileto gold, serviset gold dhe gotat prej kristali me fileto gold. Pecetat u qendisen me inicialet e çiftit ne ngjyren gold. Te pjesa e pistes ne mes te salles u vendos nje instalacion i madh ne forme rrethore, i mbushur me lule dhe orkide te bardha.
Tavolina e çiftit kishte kompozime te medha me lule qe derdheshin deri ne dysheme, ndersa ne sfond dukej nje mur i mbushur me orkide te bardha.
Ndersa ne dasmen e dyte gjithçka u transformua. Kolonat me pasqyra u veshen te gjitha me lule jeshile dhe te bardha, tavani gjithashtu kishte lule ne gjithe siperfaqen e tij, ndersa mbi tavolina vareshin shandane me lule. E gjithe salla i ngjante nje kopshti te mbushur me lule – kopsht ne te cilin Xheni dhe Dario i premtuan njëri-tjetrit dashuri te perjetshme dhe gezuan ne pranine e njerezve me te dashur per ta.
