Sot mbahen zgjedhjet parlamentare, te cilat percaktojne qeverine e Shqiperise per 4 vitet e ardhshme. Votimi ka filluar ne oren 07:00 dhe do te vijoje deri ne oren 19:00.
Votues te regjistruar jane 3.588.869, ku 1.776.490 prej tyre jane gra dhe vajza. Sot votojne per here te pare 107.024 te rinj.
Ne te gjithe vendin do te perdoret identifikimi biometrik i votuesve, ndersa vetem ne njesine administrative nr. 10 ne Tirane do te zhvillohet votimi elektronik. Ushtroni te drejten tuaj qytetare per te votuar dhe per te percaktuar fatin e vendit tone.
Partia Socialiste (PS) e Kryeministrit Edi Rama po kerkon nje mandat te trete, ndersa Partia Demokratike (PD) e Lulzim Bashes deshiron nje rikthim ne pushtet.
Edhe pse ka nje popullesi prej 2.8 milione banoresh, Shqiperia ka plot 3.6 milione votues per shkak te diaspores se madhe. Megjithate, 27 mije persona nuk e kane te mundur te votojne per shkak se jane te prekur nga Covid-19 dhe te karantinuar.
Ne keto zgjedhje garojne 1841 kandidate per deputete, qe perfaqesojne 12 parti, koalicione zgjedhore e kandidate te pavarur.
