Ndonese vitin e shkuar eshte mohuar se personazhet jane paguar, duket se disa prej tyre, kane firmosur per te marre pagesa per tu bere pjese e “Big Brother”.
Por si cdo format tjeter televiziv, edhe “Big Brother” eshte nje produksion, qe ka ne qender te vemendjes fitimin dhe jo vetem nga produksioni, por edhe nga vete banoret.
Megjithate, duke qene se kontratat jane individuale, vetem disa prej tyre kane marre pagese, nderkohe qe te tjeret jo vetem qe nuk jane paguar per ditet e qendrimit, por edhe kane kerkuar ata vete qe te behen pjese e lojes, duke pranuar cfaredo lloj kushtesh qe do t’i vendoseshin. E duket se nje fakt te tille e kane pranuar edhe vete banoret. Rikthimi i Efit dhe Kiares ne “Big Brother VIP” eshte shoqeruar me mjaft zhurme.
Teksa qendrojne te ulura ne oborr, thone se nuk kishin mundesi as te pergatisnin valixhet, duke qene se vendimin per t’u futur ne shtepi e moren ne moment te fundit. Por kur Efi shprehet “mora pagesen dhe…”, kamerat largohen menjehere nga vajzat, duke shtuar dyshimet se produksioni nuk ka dashur qe vijimi i bisedes te degjohej nga shikuesit.
Mes shume hipotezash nuk ka munguar as ajo se vajzat kane pranuar te rikthehen kundrejt nje pagese nga produksioni, te cilit pas daljes se Oltes, “ringjallen” programin me rikthimin. Ne nje bisede te qete me miken e saj, Efi thote se vendosi per rikthimin brenda dites dhe pasi mori pagesen u fut brenda.
Nga ajo cfare kuptohet nga kjo bisede, Efi duket sikur eshte paguar per tu rikthyer ne shtepi. Dhe nga loja qe ajo eshte duke bere, eshte treguar edhe me e ashper se heren e pare, duke u pozicionuar direkt tek konflikti me Dea Mishel. Nga ana tjeter, edhe Kiara ka ardhur ndryshe ne kete loje, duke bere me dije se ka pare shume gjera dhe tashme eshte perqendruar vetem te loja e saj, duke mos u shqetesuar me per banoret e tjere dhe asaj cfare ata mendojne.
Nje detaj, qe na beri pershtypje, ishte dhe Ronaldo, ne momentin qe la lojen mbremjen e se martes dhe ne intervisten e tij ne studio, zbuloi me shume se duhej. Ndonese ai u fut si nje nga kater banoret me televotim, ne studio ai u shpreh se kur me erdhi ftesa per t’u rifutur isha shume i lumtur. Edhe me pare, kane qene disa biseda qe dolen nga faqja e “Instagram”-it e Jurgenes qe menaxhon profilin e Luizit dhe tregonte se Kiara i kishte thene qe kishte marre nje pagese.
Ne kontratat e firmosura nga banoret, te ndryshme kane qene kushtet per ta. Por me e paguara ka qene aktorja Olta Gixhari, e cila shihej edhe si pretendente per ta fituar lojen.
Kontratat e pagesave per banoret kane arritur deri ne shifrat 500 euro per nje jave qendrimi, apo kontrata ku garantojne marrjen pjese si pjese aktive e televizionit te “Top Medias”. Ndonese sot eshte Luizi, kandidati me i perfolur, kengetari nuk ka firmosur nje kontratë fitimprurese, te pakten ne fillim te ketij formati. Por, duket se gjithcka ndodhi me pas, e beri Luizin milioner brenda asaj shtepie.
Pak jave me pare, ai ka firmosur nje kontrate me “Top Channel”, ku edhe do te menaxhohet prej tyre pas perfundimit te lojes. Teksa jashte po behet nje “lufte” se kush do te jete klubi i pare qe do ta marre kengetarin per te kenduar, kjo duket si nje ftese disi e veshtire per t’u realizuar, duke qene se tashme nuk eshte vetem Luizi qe vendos per ftesat e tij.
Menaxheri i VIP-ave, Xhani Demika, teksa ka folur ne emisionin “Naten me Aulonen” tha se koncerti i pare i Luizit eshte prenotuar dhe se cmimi i eshte rritur si ne forme ankandi ku nisi fillimisht me 5 mije euro dhe tani i ka shkuar 10 mije euro. Por, duket se vendimet per Luizin do te merren nga produksioni, duke qene se tashme jane ata qe i menaxhojne imazhin, pas kontrates prej 100 mije eurosh.
Vec Luizit, edhe Kiara ka nje kontrate me produksionin, ku perfshihet pjesemarrja e saj ne nje nga format e “Top Medias”, si moderatore. Pas daljes nga “Big Brother”, Kiara ka firmosur tashme kete kontrate. E teksa per banoret e tjere, nuk ka pasur kontrata te majme, duke pasur keshtu vetem disa kufizime.
Madje ka pasur nga ata qe kane hyre brenda per te promovuar nje biznes te tyre. Por, kontratat e firmosura ia ndalojne rreptesishte kete promovim, duke bere qe t’i permendin bizneset e tyre ne menyre tangjente brenda lojes. Nje tjeter kontrate, e firmosur teksa banoret ishin brenda shtepise, ka qene edhe per produksionet muzikore te krijuara aty.
Kujtojme se fillimisht ka qene Luizi, qe i ka dedikuar nje kenge Kiares per “Shen Valentin”. “Me ty” numeron sot plot 12 milione klikime dhe ne kontrate ka qene e percaktuar se kenga do te ishte pjese e kanalit te “Youtube” te “Top Medias” dhe do te administrohej prej tyre. E njejta gje ka vlejtur edhe per kengen e Armaldo Kllogjerit.
“Ta dija” ka sot 464 mije klikime dhe kenga i perket po “Top Medias”. Vec bizneseve, banoret kane qene te ndaluar edhe te promovojne projektet e tyre qe kane ne televizione apo ne biznese te ndryshme. Por si ka pasur disa klauzola nga produksioni, ashtu ka pasur edhe kerkesa nga vete konkurrentet.
Nder to ka pasur nga ata qe kane kerkuar qe nje histori apo nje ndodhi e ndodhur jashte shtepise, mos te permendej ne asnje moment nga produksioni. Ashtu edhe si ka pasur nga ata banore qe kane kerkuar te kene brenda shtepise, mundesi me te shpeshte per te folur ne telefon me familjaret e tyre, per te mesuar me shume rreth asaj cfarë po ndodhte me jeten jashte.
Natyrisht qe per mediat eshte e veshtire te zbulohet se cfare realisht i eshte plotesuar nga keto kerkesa, duke qene se vete konkurrentet kane si pjese te kontrates edhe faktin qe nuk duhet te flasin rreth ketyre detajeve. Por ajo qe dihet me siguri, eshte fakti se nga keto kontrata, te gjitha palet kane dale te fituara, duke marre ate cfare i duhet.
