Aureta eshte shembulli perfekt si te kthesh pasionin ne profesion dhe te fitosh permes kesaj gjeje. A nuk eshte puna perfekte qe te gjithe do te donin? Por te mberrinte deri ketu nuk ka qene aq e thjeshte per te.
Ka qene nje rruge e veshtire, e mbushur me pengesa, mirepo deshira e saj per biznes, aftesite dhe pak fati kontribuan per t’ia lehtesuar paksa gjerat.
Jo te gjithe mund ta ndjekim, por thuajse te gjithe kemi kaluar te pakten nje here ne profilin e saj ne Instagram dhe jemi mrekulluar me fotot e kuruara, ne harmoni me njëra-tjetren dhe aq shprehese. Aureta Thomollari eshte nje nder influencer-et e para shqiptare, nga e cila jane frymezuar edhe shume te tjera dhe vazhdojne e frymezohen pafund vajza ne perditshmerine e tyre. Nese ka diçka per te cilen te gjithe e pelqejne Aureten, ai eshte stili i saj. Menyra si arrin ta beje nje foto a veshje te thjeshte te duket e veçante, eshte aq frymezuese.
Fillimisht postonte foto per pasion, ndersa tanime nje influencere e vertete me me shume se gjysme milioni ndjekes nga e gjithe bota, Aureta di si te terheqe vemendje. E veshur me markat me luksoze dhe koleksionet e fundit, ajo ka garderoben qe çdo vajze do enderronte. Megjithate, i gjithe sekreti eshte te stili dhe menyra si e mban nje veshje. Ajo tregon se ne garderoben e saj nuk ka vetem gjëra te shtrenjta. Ne vendet qe udheton, blen shpesh ne tregjet lokale dhe kjo eshte diçka qe i pelqen. Siç thote edhe vete Aureta ne kete interviste: “Nuk ka te beje me sa shpenzoni, por per menyren se si i kombinoni te gjitha bashke”.
Vite me pare, kur Aureta krijoi profilin e saj ne Instagram, pa se njerezit e pelqenin ate qe ajo shprehte permes fotove. Motra e saj vuri re se Aureten e ndiqnin mijera njerez, ndersa ajo nuk ndiqte ende askend, pasi nuk ishte shume e dhene pas teknologjise. Ishte pikerisht ky momenti kur ajo e mori Instagramin seriozisht. Me nje sy te mprehte per estetiken, profili i saj nuk mund te mos te bente per vete njerezit qe e duan te bukuren. Fillimisht i shihte rrjetet sociale si nje vend ku shprehte pasionin e saj per fotografine dhe ku ndante shkrepje nga vendet me peizazhe mbreselenese, ndersa me vone e lidhi kete pasion me profesionin e saj. E diplomuar per biznes, Aureta pa se mund ta kthente edhe median e saj sociale ne biznes dhe keshtu beri.
Ne nje interviste per “Opinion” vitin e kaluar, ajo ka treguar se ka shkuar ne Amerike pasi i ati fitoi lotarine amerikane ne vitin 1994 dhe se ishte pikerisht ajo qe e bindi te shkonin ne minuten e fundit, pasi ai nuk deshironte. Ne moshen 20-vjeçare u transferua ne Los Anxhelos dhe hapi nje dyqan bizhuterish artizanale me origjine meksikane. Pas nje udhetimi ne Meksike, keto bizhuteri i kishin bere shume pershtypje dhe iu deshen 6 muaj kembengulje qe te arrinte te merrte nje pergjigje pozitive per bashkepunim me kete marke. Pas dy vitesh, e shiti perqindjen e saj per 350,000 dollare. Keshtu ajo filloi te hynte me sukses ne boten e biznesit per t’u perfshire ne sipermarrje te ndryshme. Por duket se Instagrami dhe magjia e tij e kane mberthyer fort Aureten.
Ne kete interviste Aureta tregon se cfare fshihet pertej perfeksionit te mediave sociale, jep keshilla per vajzat qe duan te krijojne nje stil personal dhe zbulon se cilat jane ikonat prej se cilave frymezohet ne perditshmerine apo punen e saj.
Aureta, kur e kuptove qe kjo ishte industria ku doje te investoje imazhin dhe karrieren tende?
Une gjithmone kam pasur nje mendesi biznesi, pasi jam diplomuar per biznes. Pra, ka qene nje trajektore e natyrshme per mua, ne menyre progresive duke perfshire pasionet e mia, te cilat tani kam aftesine t’i kthej ne vlere monetare.
Nese nuk do ishe nje influencuese dhe biznesmene, çfare rruge do te kishe zgjedhur?
Mund te ishte cfaredo, mjafton qe ne fund, qellimi eshte te bej gjithmone ate qe dua.
Mendon se puna e influencueseve eshte e nenvleresuar?
Ne te vertete, ne jemi ne epoken e influencer-ave: mediat sociale do te jene mes nesh pergjithmone dhe çdo marke e kupton se duhet te formoje nje strategji qe i perfshin ato.
Cila eshte veshja me e shtrenjte qe ke blere ndonjehere?
Veshjet me te shtrenjta jane zakonisht ato te bera me porosi nga stilistet.
Po veshje te lira blen?
Sigurisht, nje pjese e gezimit te udhetimit eshte vizita ne tregjet lokale dhe ne gjetjen e produkteve te bukura, te bera ne menyre artizanale.
Ka diçka qe nje vajze duhet ta kete patjeter?
Nje arome per te cilen dallohesh. Aroma eshte nje prej gjerave qe te identifikon.
Po diçka qe mendon se ben diferencen ne pamjen e nje gruaje/vajze?
Ato qe bejne diferencen jane ato gra/vajza qe kane nje gezim te vertete, qe u buron nga brenda.
Te shkruajne shpesh vajzat per te te kerkuar keshilla mode?
Po. Me ndodh shpesh te me pyesin vajzat, mundohem t’u kthej pergjigje sa here mundem.
Cila eshte keshilla qe do t’i jepje nje vajze ne lidhje me stilin/veshjen?
Keshilla ime eshte qe te jeni vetvetja, te percaktoni se çfare ju ben te ndiheni rehat, te keni nje stil personal dhe te beni shopping duke u bazuar ne kete identitet.
Cili eshte “sekreti” i njerezve qe vishen mire?
Njerezit e veshur mire zakonisht kane nje sens stili. Nuk ka te beje me sa shpenzoni, por per menyren se si i kombinoni te gjitha bashke.
Per cfare mendon se ia vlen qe vajzat te shpenzojne me shume?
U them vetem kurseni dhe blini dicka ari, ajo do te rritet ne vlere. Nje pale kepuce te mira gjithashtu e cojne pamjen ne nje tjeter nivel.
Per cfare nuk duhet te shpenzojne?
Per imitime.
Moda e cilave vite te frymezon me shume?
Moda e viteve ‘70.
Cfare nuk do te doje te rikthehej me kurre ne mode?
Une, ne te vertete, nuk perqendrohem ne ate qe eshte ne trend. Ti thjesht duhet te veshesh ate qe te duket me mirëe.
Dicka qe nuk mungon kurre ne canten tende?
Celulari im.
Cfare nuk duhet te veshe kurre nje vajze ne takimin e pare me nje djale?
Po them ate qe duhet te veshe: cdo gje qe i jep besim.
Si do ta perkufizoje stilin tend?
Une vishem ne varesi te humorit tim dhe per pasoje, stili im ka nje diapazon te gjere qe nuk mund te kete nje perkufizim.
Ke menduar ndonjehere te krijosh nje marke tenden?
Tani per tani, jam duke e shijuar krijimin e disa koleksioneve kapsule me disa nga markat e mia te preferuara, qe do te dalin ne treg shume shpejt kete vit. Qendroni te vemendshem!
A eshte jeta jote aq perfekte sa ajo qe shohim ne Instagram?
Jeta e askujt nuk eshte perfekte. Une e dashuroj jeten dhe kjo eshte ajo qe perpiqem te perfaqesoj. Persosmeria do te thote se jeta ka mbaruar, sepse nuk ka asgje tjeter per te cilen duhet te perpiqesh.
Mund te na permendesh nje personazh qe te pelqen per stilin dhe dike qe nuk te pelqen shume?
Ka bukuri te te gjithe, nuk duhet ta marrim moden dhe stilin kaq seriozisht.
Ikona e patjetersueshme e modes ne bote, kush eshte sipas teje?
Grace Jones dhe Maria Felix.
Jeta jote eshte me valixhe ne dore, nga njeri destinacion ne tjetrin. Cilen pervoje (cilin vend) do ta veçoje si fantastiken e jetes sate? Pse?
Japonia. Une e dashuroj gjithçka qe ka lidhje me Japonine. Edhe Butani, sepse ata e matin mireqenien me “lumturine e pergjithshme kombetare” dhe njerezit vertet jetojne ate gje.
Si nje “qytetare e perjetshme e botes”, nese nuk do te jetoje ne Amerike, cilin vend do kishte zgjedhur per te qendruar perfundimisht?
Pas te gjitha udhetimeve te mia, Amerika eshte ende vendi ku me pelqen me shume te jetoj.
Ka ndodhur te te bejne kritika per stilin e veshjes?
Jo ne fytyre, por jam e sigurt ne heshtje. Ne fund te fundit, eshte mendimi per veten ai qe ka rendesi.
Nje dite tipike e jotja, si fillon dhe si mbyllet?
Asnje dite nuk eshte tipike: Zgjohem falenderuese dhe shkoj ne shtrat mirenjohese.
Si i ke punet me ceshtjet e zemres? Je e dashuruar?
Po, dashuria eshte pjesa me e rendesishme e jetes. Zemra ime eshte e mbushur me te.
Per shkak dhe te angazhimit tend si sipermarrese dhe si konsulente, a ka një “varke shpetimi” ne “normalitetin e ri” qe po jetojme te gjithe per shkak te Covid-19?
Te humb ne artin e gatimit.
