Kush eshte Azem Hajdari , kur u vra dhe pse vrasja e tij u be e bujshme?
Biografia – shkolla, ku lindi dhe u rrit Azem hajdari
Azem Hajdar lindur me Bajram Curr, 11 mars 1963 – 12 shtator 1998 ka qenë lideri i lëvizjes studentore 1990-91 që çoi drejt rënies së regjimit komunist në Shqipëri. Më tej u bë një politikan i Partisë Demokratike të Shqipërisë. Ai simbolizon nisjen e periudhës demokratike në Shqipëri.
Ai ishte një nga themeluesit e Partisë Demokratike të Shqipërisë, partia e parë opozitare, dhe Kryetar i Komisionit Nismëtar të kësaj partie. Azem Hajdari ishte deputet i Partisë Demokratike të Shqipërisë që nga viti 1991 e deri sa u vra në shtator të vitit 1998.
Ka qenë deputet i Kuvendit shqiptar dhe kryetar i Komisionit Parlamentar të Mbrojtjes. Vrasja e Azem Hajdari ndodhi në Tiranë më 12 shtator 1998.
Më 2 tetor “1998” Hajdari e nderuan pas vdekjes me titullin Qytetar Nderi i Tiranës dhe më 2007 u dekorua me Dekoratën “Gjergj Kastrioti Skënderbeu” nga Presidenti Bamir Topi.
Per te madje jane bere edhe kenge patriotike ne kujtim te tij nga Adem Ramadani “Ti nuk vdes kurre”.
Vrasja e bujshme e azem hajdari – 25 vite pasi qellohet ne parlament
Më 12 shtator 1998 vritet pabesisht para selisë së Partisë Demokratike nga drejtues të Komisariatit të Policisë të Tropojës. Por edhe pse kanë kaluar mjaft vite, vrasja e tij mbetet e ende e mistershme me shumë detaje të pazbardhura.
Sipas dosjes së akuzës, tre makina të pozicionuara në vende të ndryshme rreth selisë së Partisë Demokratike, kanë qenë gati për çdo të papritur të rastit. Pas dhënies së sinjalit nga Fatmir Haklaj, Izet Haxhia ka hyrë në selinë e PD dhe ka takuar Azem Hajdarin, duke e ftuar që të takonte një grup tropojanësh, që po e priste jashtë selisë.
Varrimi i Azemit u bë dy ditë më vonë, ku fillimisht u mbajt një miting në sheshin “Skënderbej”. Më pas, turma e protestuesve u drejtua nga selia e Kryeministrisë duke u përplasur me armë me forcat e Gardës. Kjo ishte edhe arsyeja se përse në varrimin e Azemit në Sharrë kishte një pjesëmarrje të vogël, vetëm familjarët dhe disa miq të tij.
Rudina Hajdari pasardhesja e Azem Hajdarit edhe ne politike
Mbushen sot plot 25 vite nga vrasja e Azem Hajdarit, ish-deputeti i PD-së, i cilësuar si ‘pishtari i demokracisë’.
Deputetja Rudina Hajdari i ka dedikuar Azemit një shkrim ku e cilëson babain e saj një njeri luftarak, idealist dhe ëndërrimtar, veti që sipas saj nuk hasen në skenën politike shqiptare.
Sipas Hajdarit, nëse babai i saj do të ishte gjallë, ai do të kishte ndryshuar rrjedhën e historisë me energjinë që kishte.
Por duket se jo vetem Rudina, edhe djali i vogël i Azem Hajdarit do t’a shohim në politikë. Djali i vogël Azem hajdari junior që mban të njëjtin emër me babanë e tij e sheh të ardhmen në politikë.
Pas fundit të studimeve për drejtësi ai ka shprehur se objektivi i tij është politika. Azem hajdari junior thotë se po pret momentin e duhur që të angazhohet në këtë fushë, ku më herët ka hyrë motra e tij, Rudina Hajdari.
Azemi ka deklaruar se angazhimin në politikë nuk e sheh vetëm si trashëgimi nga i ati, por dhe si mundësi për të dhënë kontributin e tij për qytetarët dhe vendin e vet.
“Sot është kthyer në intersa personale, realisht nuk po mendohet për popullin. Situatën sot e shoh jo mirë. Nuk me pëlqen që në PD ka përçarje në vend qe duhet të merret me çështjet e kombit. Pengojnë avancimin e partisë përpara” deklaroi Azem Hajdari junior.
.svg){kind=link}