Sara Hoxha dhe Ledri Vula janë çifti më i përfolur i showbiz-it kohët e fundit, jo vetëm për lidhjen e tyre aq shumë të diskutuar, por edhe për faktin që shumë shpejt do të bëhen prindër. Këngëtari më i adhuruar nga vajzat nuk është më single dhe për më tepër do të marrë një status tjetër së shpejti – atë të babait.
Lajmin e kanë ndarë zyrtarisht të dy në rrjetin e tyre sociale në Instagram, teksa publikuan një video ku edhe zbuluan gjininë e foshnjës së tyre. Pasi kanë plasur balonën të dy kanë mësuar se do të bëheshin prindër të një vajze. “Jom ka des syt me ti pa,”-shkruan Ledri në videon e shpërndarë prej tij, ndërkohë që Sara i komenton disa emoji me sy të përlotur. Prej kohësh çifti përflitej se ishte në pritje të ëmbël por derimë tani asgjë nuk ishte konfirmuar zyrtarisht nga ta.
Sara dhe Ledri ndanë momente të ndryshme nga ‘baby shower’ ku ishin prezentë shumë personazhe të njohur si Kida, Ariana Fejzullahu, Dhurata Dora etj.
Përpos atmosferës së krijuar nga vajzat, edhe mamaja e Ledrit, Xheraldina ndau momente të ndryshme ku binte në sy energjia e saj e pashteruar.
