Deri para pak vitesh dukej e paimagjinueshme qe nje produkt i ekspozuar ne vitrinat e butikeve do te na vinte ne dore vetem me një klik.
Por tashme kjo eshte e zakonshme dhe shume shqiptare jane bleres online. Interesi per kete menyre blerje po rritet gjithnje e me shume.
Blerjet online po kthehen ne tendence vitet e fundit. Sipas eksperteve te fushes, blerjet brenda vendit mbeten me te favorizuara, pasi per blerjet nga jashte aplikohen disa taksa ekstra.
Rrjetet sociale po perdoren gjeresisht nga bizneset per te rritur aktivitetin e tyre. Sipas te dhenave nga Instagram, vetem ne nje muaj, rreth 90 milione llogari kane klikuar ne postimin e nje produkti te caktuar per te mesuar me shume detaje rreth tij.
Thuajse te gjitha dyqanet, pavaresisht madhesise, kane filluar qe te operojne online, fale mundesive pafund qe ofrojnë rrjetet sociale per reklamim. Facebook dhe Instagram mundesojne mjetet e nevojshme per biznesin qe te reklamojne produktet te nje treg me i gjere se sa dyqanet fizike. Kjo tendence eshte perhapur ne Shqiperi prej disa kohesh, ku çdo dyqan tashme ka faqen online ku reklamon produktet qe shet, pa pasur nevoje qe te kete nje faqe te tregtimit online.
Shitjet online nepermjet rrjeteve sociale
“Mendoj qe ne 2019-n, trendi do te vazhdoje te perforcohet dhe faqet e dedikuara online, pa asnje dyqan fizik, do te ulin numrin e porosive qe levrojne te klientet. Nga ana tjeter, shitesit tradicionale me pakice do te vazhdojne te rrisin shitjet e tyre online, kryesisht ata qe kane nisur te investojne vitin e kaluar. Aktoret e stabilizuar te shitjeve me pakice do te gjejne zgjidhje ne rritjen e shitjeve kryesisht duke investuar ne sektorin e shitjeve online”, – thote Valer Pinderi nga Nettrade Albania.
Ai shpjegon se si pasoje e mungeses se barrieres hyrese ne biznes, shume operatore te rinj do te hyjne ne treg per te shitur online ne periudhat ne vijim. Megjithate, ai nuk parashikon te kete asnje konkurrent te denje per t’u pozicionuar mire ne treg.
Sa shpenzojne shqiptaret me blerje online
Operatoret kryesore te tregut thone se ne krye te kerkeses per blerje online jane pajisjet elektronike dhe teknologjike. Mbeshtetur edhe ne statistikat e blerjeve ne portalin e tij, Dalip Bali shpjegon se bleresit shqiptare blejne çka iu ofrohet dhe nuk shpenzojne kohe te kerkojne per nje produkt. Arsyeja kryesore, sipas tij, eshte ekonomia e dobet. “Shqiptaret nuk bejne blerje te zgjuara, por blejne vetem atehere kur iu duhet diçka”, – thote Bali.
Mesatarja e shpenzimit perllogaritet nga 2,800 leke ne 3,200 leke. Shuma e shpenzuar rritet kur behet fjale per pajisjet elektronike, te cilat kane edhe çmime me te larta. Sipas Balit, shumica e porosive varion nga 1,500 deri ne 25,000 leke.
Sipas statista.com, ne shpenzimet per blerje online, vendin e pare e mban Britania e Madhe me 942 euro per fryme, me pas renditen vendet nordike me 717 euro per fryme, Gjermania me 670 euro, Franca me 584 euro, Spanja me 538 euro dhe Italia me 396 euro per fryme.