Alketa Vejsiu një model i shkëlqyeshëm i një sipërmarrëse të suksesshme në Shqipëri. Me karrierën e ndritur në mediat dhe të përfshirjes në biznes, ka treguar aftësinë tuaj për të bërë gjëra të mëdha dhe për të arritur synime të mëdha.
Edhe këtë vit, ngjarja e madhe e Class, e kthyer tashmë në një traditë të përvitshme të organizimit të eventeve me të rëndësishme në vend, ka rezervuar një spektakël të jashtëzakonshëm ngjyrash, modelesh dhe surprizash.
Asnjëherë më parë në Shqipëri, në Kopshtet Mbretërore të Pallatit të Brigadave, nuk ishte realizuar një event i ngjashëm.
Që nga viti i kaluar, sfilata e të cilit dominohej nga ngjyrat pastel, ky vit, tha Alketa, ishte fokusuar te ngjyra e bardhë: “E bardha ishte dominuese këtë vit. I gjithë koncepti kështu ishte menduar që në fillim. Donim që gjithçka të dukej si një ajkë qumështi, të ishte e pastër dhe e kuruar. Pastaj, edhe për rrjetet sociale, e bardha është një ngjyrë e dashur. Mbi të gjithçka duket më e bukur”.
E pyetur për risitë, Alketa tha se këtë herë ishin disa: “Këtë vit kemi futur një risi. Donim që të prezantonin fustanet që kishim prodhuar vetë. Linja Made in Albania ishte në fokus të sfilatës, por pa lënë mënjanë edhe disa brande ndërkombëtare. Një stiliste e re, Livia Myftari, dizenjoi një koleksion që hapi pasarelën dhe jo një koleksion nusesh ta zakonshme, nuse joklasike që guxojnë më shumë e duken më interesante, madje edhe nuse me pantallona që gjithsesi, duken sensuale.”
