I ftuar ne “Ftese ne 5” dje, per nje interviste me Skype, ishte Nick Nikic, nje avokat shqiptar i lindur ne Nju-Jork, i cili ka nje pasion te madh per kuzhinen dhe sidomos per ate tradicionale shqiptare.
Permes nje faqeje ne Instagram, ai e ndan pasionin e tij me publikun, duke postuar vazhdimisht foto te gatimeve te ndryshme.
Gjate intervistes ai tha se pjata e preferuar tradicionale per te ishte grosha, duke treguar edhe se perberesi “sekret” i recetes se tij eshte dashuria. I pyetur se per ke gatuan, Nick permendi veten dhe bashkeshortin e tij dhe pranoi se eshte homoseksual e lumurisht i martuar. Madje, dasma ka qene nje feste e vertete me çifteli e tupane.
“Kemi 8 vite te lumtur bashke. Pati propozim dhe dasme me çifteli e tupane”, -tha Nick.
Ai zbuloi detaje rreth historise se dashurise me Matt dhe kujtoi se nje nate miku i tij prej vitesh, Mat, i kishte shprehur ndjenjat. Nick ishte stepur nga kjo gje, pasi deri ne ate kohe nuk e kishte pranuar brenda vetes orientimin seksual.
Mes te tjerash avokati tha se ka pasur te dashura me pare, por pa asnje lloj terheqeje seksuale. Ai rrefeu se pas nje predikimi ne kishe, kuptoi se çfare donte realisht dhe lumturia filloi kur u tha “Po” ndjenjave per Mat.
Nick tha se prej fillimit kishte pasur mbeshtetjen pa kushte te familjes se tij dhe per te plotesuar nje deshire te madhe te çiftit, por edhe te gjyshes se Nick, ai dhe Mat planifikonin ta zgjeronin familjen me nje femije.
