Karnavalet janë një nga traditat më të njohura në Shqipëri. Kjo festë festohet në të gjithë vendin në mënyra të ndryshme, por në çdo rast është një moment i gëzueshëm për komunitetin. Për Sarën dhe Ledionin erdhën karnavalet me heret si shkak edhe i ditelindjes se djalit te tyre.
Çfarë na shkon në mendje kur mendojmë për karnavalet? Shumë ngjyra, shumë lojëra, shumë ushqime dhe mbi të gjitha, shumë argëtim. Kështu ishin edhe karnavalet e Romanit që bënë bashkë shumë fëmijë që patën fatin të argëtoheshin mes lojërave dhe muzikës së tyre të preferuar.
Çdo cep i ambientit u mbush me tullumbace e flamuj shumëngjyrësh, si dhe me disa stenda ëmbëlsirash. Askush nuk mund t’u rezistonte akulloreve, cupcakes, donuts, çokollatave, karameleve, tortave dhe të gjitha llojeve të ëmbëlsirave të preferuara të fëmijëve. Dukej si një botë e krijuar enkas për ta.
Kishte gjithashtu shumë pije, për të vegjlit, por edhe për të rriturit që ishin të pranishëm në festë.
Kishte pafund mundësi lojërash, duke filluar nga kanavacat, ku fëmijët mund të pikturonin, te loja twist, rodeo, animatorë e gjithçka tjetër që fëmijët të ndiheshin sikur ndodheshin vërtet në karnavale.
Ditelindja e djalit te Sares dhe Ledionit
Sara solli në jetë një djalë të cilit i vendosën emrin Roman. Bashkë me dy djemtë, London Noorin dhe Romanin, çifti kanë udhëtuar së fundmi jashtë vendit. Nga pushimet e tyre, Sara ka postuar një foto ku për herë të parë ata shfaqen të katërt.
Sara ka ndarë me ndjekësit e saj postimin prekës për vogëlushin , duke i uruar kështu ditëlindjen e tij të dytë.
Në postimin e saj Sara shkruan: “ Gëzuar ditëlindjen djali im i bukur. Roman ti je djali i dytë tipik , ti nuk ha ushqimet e përshkruara në ato librat e shtatzënisë, nuk je i mirëtrajnuar për gjumë dhe le ta pranojmë se ti je një fëmijë kovidi dhe nuk e njeh shumë jetën jashtë shtëpisë. Ti nuk e njeh frikën dhe jo pak herë ma ke bërë zemrën të rrahë më shume se duhet, por gjithsesi nuk mund të kishte një mënyrë tjetër. Të dua pafundësisht!”.
