I derguari i posacem i Bashkimit Europian per dialogun Kosove-Serbi, Mirosllav Lajcak, u perpoq te organizoje nje takim mes dy udheheqesve, Albin Kurti dhe Aleksandar Vucic, ne mesin e tensioneve qe kane shperthyer ne veriun e Kosoves.
Takimi duhej te mbahej ne Bratisllave te Sllovakise, ku dy lideret ishin te ftuar ne konferencen per siguri globale, “Globsec”. Por pasi njoftoi fillimisht se do te merrte pjese, qeveria e Kosoves tha me vone se pjesemarrja e Albin Kurti mund te anulohej per shkak te zhvillimeve ne veri.
Edhe presidenti i Serbise, Aleksandar Vucic, njoftoi me vone se nuk do te udhetoje drejt Bratisllaves. “Po qendroj me popullin dhe ushtaret tane. Serbia do te fitoje”, njoftoi ai duke vulosur mospranine ne panelin ku do te jete kryeministri i Shqiperise, Edi Rama, dhe ai i Maqedonise se Veriut, Dimitar Kovacevski.
Petkovic: Kryetaret e komunave duhet te largohen
Shefi i Zyres per Kosoven ne Qeverine e Serbise, Petar Petkovic, ka perseritur qendrimin e Serbise se, kryetaret e rinj shqiptare te komunave ne veri te Kosoves – te banuara me shumice serbe – duhet te largohen nga ndertesat komunale, dhe se Policia e Kosoves duhet te largohet nga veriu i Kosoves.
Sipas nje deklarate per media, Petkovic i ka bere keto deklarata te takim me ambasadoret e Gjermanise dhe Frances ne Serbi, Anke Konrad dhe Pierre Cochard. Petkovic, ka thene, po ashtu, se incidentet e 29 majit do te mund te parandaloheshin nese KFOR-i “do ta permbushte mandatin e tij te premten, qe t’i parandalonte kryetaret e paligjshem, si dhe anetaret e forces speciale”, duke iu referuar njesiteve te Policise se Kosoves.
“Serbet jane te vendosur per te mbrojtur te drejten e tyre per te jetuar dhe mbijetuar ne Kosove, dhe Serbia e Beogradi do te vazhdojne te jene ne mbrojtje te tyre, per te ruajtur paqen dhe stabilitetin e provinces dhe rajonit”, ka thene mes tjerash Petkovic.