Per shkak te emigracionit te larte te popullsise, me rreth 40% te shqiptareve qe jetojne jashte, numri i zgjedhesve ne listat per votimet, i gjeneruar nga Drejtoria e Pergjithshme e Gjendjes Civile eshte 26% me i larte se popullsia banuese ne Shqiperi.
Sot po mbahen zgjedhjet per Kuvendin e Shqiperise. Jane 3,588,869 persona, qe sipas te dhenave zyrtare te Komisionit Qendror te Zgjedhjeve sot kane te drejten e votimit.
Sipas INSTAT, popullsia banuese ne vend eshte 2,845,955 persona, nga te cilet rreth 23.7% jane nen moshen 19 vjeç. Per rrjedhoje, popullsia ne moshe votuese rezidente ne vend eshte sa rreth 60% e asaj qe ka te drejte vote.
107 mije zgjedhes votojne per here te pare
Sipas te dhenave qe i referohen listes zyrtare, 50.5% e zgjedhesve jane meshkuj dhe 49.5% jane femra. Nga keta, 107,024 zgjedhes votojne per here te pare.
Ne dispozicion te zgjedhesve jane 5199 qendra votimi te vendosura ne 92 Zona te Administrimit Zgjedhor.
Cdo qytetar mund te verifikoje emrin e tij ne listen e zgjedhesve nepermjet sherbimit online ne portalin “e-albania” si dhe per çdo pretendim mund t’u drejtohet zyrave te Gjendjes Civile ne bashki dhe njesi administrative, te cilat do te vijojne te qendrojne te hapura nga dita e hene, deri ne diten e shtune.
Partia Socialiste, si partia me e madhe e shumices, ka propozuar si kandidate per deputete 91 gra dhe 139 burra, pra perkatesisht 39.56% dhe 60.44%. Ndersa, Partia Demokratike, si partia me e madhe e opozites, ka propozuar 69 gra dhe 161 burra, perkatesisht 30% dhe 70%. Verehet se te dyja partite jane ne perputhje te dispozitave per perfaqesim gjinor.
Nderkohe jane pajisjet e votimit dhe numerimit elektronik, projektit pilot i cili per zgjedhjet e dates 25 prill do te zbatohet vetem ne ZAZ-ne nr. 40. Pajisja Elektronike e Votimit dhe Numerimit, e cila do te perdoret vetem ne njesine nr. 10 ne Tirane, lejon votimin ne menyre te thjeshte dhe te sigurt per qytetaret. Vota elektronike shoqerohet me voten e printuar, e cila verifikohet nga vete zgjedhesi, para se ajo te bjere ne kutine e votimit.
KQZ ka shpjeguar se software i pajisjes ofron standarde te larta sigurie dhe nderfaqja e votimit eshte e ngjashme me fleten e printuar te votimit. Ne kete menyre, votuesi do ta kete te lehte nderveprimin me pajisjen. Per zgjedhjet e dates 25 prill 2021, KQZ do te vendose 2 pajisje te votimit elektronik per çdo qender votimi, ne menyre qe procesi i votimit te jete i shpejte dhe te mos krijohen radhe ne qendren e votimit. Numerimi do te kryhet ne ambientet e ZAZ 40 dhe do te jete numerim elektronik ne njesine administrative nr. 10 ne kryeqytet.
Te 5199 qendrat e votimit jane te pajisura me kamera, gjithashtu funksionon nje sistem mbikeqyrje ne Vendet e Numerimit te Votave, ku perfshihen kamerat e vezhgimit, kamerat te cilat do te demonstrojne procesin e numerimit te fleteve te votimit dhe te gjithe pajisjet e teknologjise se informacionit qe do ta lehtesojne kete proces.
Nga viti 1991 kur u bene zgjedhjet e para pluraliste, numri i votuesve ne listat eshte rritur ne nje kohe qe popullsia banuese ne vend eshte ulur, e ndikuar nga emigracioni i larte. Edhe per shkak te ndryshimit te struktures se popullsise drejt moshave me te vjetra, numri i zgjedhesve ka ardhur ne rritje, ndersa pjesemarrja ne votime, ne ulje.
Ne vitin 1991 ne listat e zgjedhesve ishin 1,984,933 votues, ndersa moren pjese ne votime 98.9%. Ne vitin 2001, ne lista ishin 2,499,238 persona dhe moren pjese ne zgjedhje 55%. Ne vitin 2017, lista e zgjedhesve ishte me 3,452,324 votues, ndersa moren pjese ne 46.7% e tyre.
Gare e ashper
Partia Socialiste (PS) erdhi ne pushtet ne vitin 2013, tete vjet pas qeverisjes se Partise Demokratike (PD). Gara mes dy partive mbetet e forte. Sondazhet e deritanishme nxjerrin fituese here njëren pale (socialistet) dhe here palen tjeter (demokratet + LSI). Veriu ka qene tradicionalisht nje bastion i PD-se, ndersa ne Jug eshte ne avantazh PS-ja.
Ne rajonin e qendres, sidomos Tirana e Durresi, qe nxjerrin dhe numrin me te larte te deputeteve, diferencat jane te ngushta dhe menyra se si do te votohet ne to, qe te jene vendimtare ne rezultatet finale.
Sondazhet kete vit kane nxjerre nje numer te larte te te pavendosurve, te ashtuquajtur elektorat gri, i cili luhatet mes 15-20% te votuesve, nje peshe qe mund te ndikoje ndjeshem ne verdiktin perfundimtar te sovranit.
Ajo qe mbetet e pamatshme eshte potenciali i shtremberimit te rezultatit, nepermjet presioneve dhe blerjes se votes, nje procedure qe partite politike e kane perdorur rendom ne zgjedhjet e pas ’90-s.
