Ne qershor te vitit 2022, qeveria prezantoi te konsultimet publike projektligjin e rishikuar per Amnistine Fiskale dhe Penale te subjekteve qe bejne deklarim vullnetar te pasurive me vlere 2 milione euro, kundrejt tatimit nga 7 deri ne 10%.
Nga Ministria e Financave dhe Ekonomise mesohet se per draftin e amnistise jane percjelle konsultimet e reja nga grupet e interesit, te cilat do te reflektohen ne relacionin e projektligjit. Ne anen tjeter, edhe ne vitin 2023, prone me çmim ekonomik do te jete ajo me vleren 1,000 euro per meter katror.
Ndertuesit thone se per keto prona, kerkesa ne vitin 2023 do te jete e larte. “Ne Tirane jane rreth 25,000 familje te reja qe kerkojne te blejne apartament nepermjet kreditimit nga banka. Behet fjale per familje ku te dy bashkeshortet jane te punesuar me te ardhura nga 2,000 deri ne 3,000 euro ne muaj dhe perballojne kredine bankare. Per keto kategori, kerkesa do te vijoje te jete e larte, gje qe nuk do te favorizoje renien e çmimeve”.
Jonian Antoni, CEO i kompanise real state parashikon stanjacion te çmimeve ne vitin 2023, pasi çmimet e larta te apartamenteve ne vitin 2022 ndikuan te renia e kerkeses. “Mendoj se tregu shqiptar i pronave dhe sidomos Tirana nuk do te kete ulje çmimesh. Ndoshta do te frenohet kerkesa, ndoshta do te kete reflektim te çmimeve, dhe sidomos nje pozicionim te tyre, duke mos u ngritur me per disa vite, por nuk besoj se ne Shqiperi do te kete ndonje renie te çmimit te pronave.
Arsyet ne rritjen e çmimeve ne vitet 2020, 2021, 2022 kane qene te shumta, nder me kryesoret mund te permendim:
1) rritjen e kerkeses per prona (banesa) me cilesore
2) rritjen e kostos se ndertimit prej inflacionit global
3) rritjen e nivelit te jeteses qe ka pesuar Tirana, zonat bregdetare dhe disa qytete te medha ne 10-15 vitet e fundit.
Per arsyet e rritjes se normes se interesit, Jonian Antoni parashikon se ne vitet 2023-2024 do te kete me pak kerkese per apartamente nga familjet e reja, ndersa kerkesa per bleresit e pronave luksoze nuk do te pesoje renie. Ne vitin 2023 do te kete me pak kerkesa edhe per prona te dyta. “Vendet e zhvilluara te botes kane rritur normen referenciale te interesit bankar. Si pasoje, kredia per shtepi eshte rritur nga 2-3% ne tre vitet e fundit, ne 4-5% interes bankar. Kjo e ka rritur mesatarisht kestin e kredise me 20-30% dhe si rrjedhoje, nese nje kest mesatar ne Tiranë ka qene 400-500 euro ne muaj, nga viti i ardhshem dhe per disa vite ne vijim do te jete 500-650 euro ne muaj.
Ndertues dhe drejtues te agjencive imobiliare parashikojne qe çmimet e apartamenteve ne vitin 2023 te vijojne te mbeten ne nivele te larta.
